Álttá Siida mánáidgárdi lea eambbo go dušše okta mánáidgárdi, dat lea maid doaibman deaivvadanbáikin gos leat leamaš lágideamit, kurššat jna.  Sámi mánáidgárdi lea álgan mearkašiid eambbo ja eambbo Álttá sápmelaččaide, ohcanlogut lassánit jagis jahkkai.

Ovddeš bargi ja váhnen Máret Rávdná Vars muitala ahte dalle go vuohččan rahppui sámi mánáidgárdi de ii lean dábalaš ahte sámegiella gullo. Son vásihii  ahte mánain nanusmuvái sámegiella go ledjen vázzan sámi mánáidgárddi

Álttá Siida stivrajođiheaddji Inga Kristine Siri lohka iežas rámis go mii leat nagodan bisuhit sámegiela dáppe, ja lohka Álttá Siida lea dehálaš ásahus sidjiide maid geat háliidit gielaset váldit ruovttoluotta.

Ovddeš stivrajođiheaddji Jan Erik Henriksen lohka ahte Álttá Siida ásaheapmi lea dahkkan  sápmelaččaide Álttás álkibun leat sápmelaš. "Lei duođai veara ásahit dán mánáidgárddi"